الرئيسية
أحدث الصور
تفخر حرمة بالعديد من رجالاتها ومن هؤلاء الرجال الشاعر المشهور / محمد بن لعبون
ويعود هذا الشاعر لاسرة اللعبون في حرمة
هو محمد بن حمد بن محمد بن لعبون الوائلي العنزي ولد في بلدة حرمة في عام 1205هـ ثم ارتحل مع ابوه وعمه من بلدة حرمة الى بلدة ثادق احدى بلدات المحمل ونشاء بها الى ان اكمل سبعة عشر عام ثم إرتحل إلى الزبير واستقر بها قرابة اثنين وعشرين عام الى ان نفي منها ثم ذهب الى الكويت وعاش بها قرابة عامين الى ان توفاه الله في الكويت عام 1247هـ بوباء الطاعون الذي اجتاح العراق والكويت في ذلك الوقت رحمه الله وكان ولعه بالشعر والأدب منذ كان صغيراً وقد أبدع في الناحية الغزلية وأصبح زعيم هذا الاتجاه
_____________ من قصائده________________
باتـن حذاي العاذلات الهواهي
فـي سد باب ٍ من بحور الهوى هيّ
ركبن به يشدنّ دود ٍ علـى عود
والنفـس ميـدان الـهوى هـيّ
***
باح الغرام ونشـّف الريـق بالاّه
يا لاهي ٍ يلعب ولا هوب بـالاّه
يا عين باشواقك أساليـك بالله
حيـثي مناجي في هواك الهواهي
***
ذا سيل ديم ٍ أو نواقيـط واكـف
يشق بـجفونك وانا اشل واكف
فان كان ترضين العمى لك وانا كف
والاّ فـدوري من يدور الدواهي
***
ما فاد نوحي بالديـار العوافـي
أدري الجنـا تالـي وصار العوافي
مالي ودوب أهل السبايا العوافـي
من مردف ٍ جيشه نكـيف ٍ وناهي
***
صدّت صدود المستحي من هـواها
واشتـمّ عذريّ الهوى من هواها
لو قالت اطلب قلت انا من هـواها
مقـدار يومين ٍ وارجع إلى هي
***
يا حيف أظعـان الحبايب وحادي
غنـى وراها باول الليل حادي
أرعى الهلال اللي بدا يوم حـادي
ينمي ونقـص البدر عند التناهي
***
إرفق فلي فيهن ريّـا المخلـخل
مبـري سهمها بالضمير المخلخل
لا واعلي يجلي عضاي المخلـخل
دهـر ٍ مرض في غيّها يا سباهي
***
ماريت أنا من صدّة البين باكـره
مـن يوم بكّر ظعن اهل ميّ بكره
لـو ان وعدهم لي على بطن بكره
أو الـذي يسلك طـريق المتاهي
***
راحـوا بـخود ٍ مثل صافي المهاة ِ
والخـد أسيـل ٍ مثل خد المهاة ِ
متلوع جيـد ٍ مثل جيـد المهاة ِ
وخثـرٍ غزال ٍ مكحلاتٍ سواهي
***
هل هم على ذيك الصداقة وهل هم
نـزل ٍ على جّو الأميلح واهلهم
يا ليت اهلنا يا مـحمد واهلهـم
لـو ساعفت يا مي فيكِ المشاهي
***
دون التماني غاشيات الغواشـي
ومعمّلات ٍ بالعيــون الغـواشي
إن كان عازك من عواز الغوى شي
بع بالهوى روحك بسوق الملاهي
***
دار الهوى في جملة الناس طايف
ما احد ٍ بغاه وواقف ٍ مثل طايف
الرابح اللي ما تـمناه طايـف
نسمة هـواه وصـد عنه متلاهي
***
ما هوب طوع ٍ داعي ٍ له صبابة
خليّ هم ٍ والتعب بـه صبابة
لو ناسموها ذاير ٍ لـه صبابـة
ذيك الحباري كان لانا ولا هي
***
قالوا تعال وجيت ابي شوف وايلاه
متـوحّد ٍ يعبـد حسانيه ويِلاه
وابليت عمري فـي مراميه ويـلاه
من ضيّع الدنيا وديـنه سـوى هي
_______________ ياعلي ________________
ياعلي صحت بالصوت الرفيع *** يامــره لاتـذبـيـن الـقـنـاع
ياعلي عندكـم صـفرا صـنيع *** سـنها ياعـلي وقـم الـرباع
نشـتري ياعـلي كـانك تبيـع *** بالعـمـر مـير مـاظـني تبـاع
شـاقني ياعـلي قـمرا وربيع *** يوم أنا آمر وكل أمري مطاع
يوم أهلنا وأهل مـي جـمـيع *** نازلـين عـلى جـال الرفـاع
ضـحـكتي بينهــم وأنا رضـيع *** ماسوت يكيتي يوم الوداع
هـم بروني وأنا عـودي رفـيع *** ياعـلي مـثل مـايبرا الـيراع
طـوعوني وأنا مـاكـنت أطـيع *** وغـلبوني وانا ظفـر شـجـاع
وجد عيني على ظبي تلـيع *** عندكم كن في خده شماع
شـيبتني وانا تــوي رضـيع *** جاهـل تو في سـن الرضـاع
سـايمـين الهـوى يامـن يبيـع *** سايمين الهوى لاهل الرفاع
وأنت يالايمي جـعـلك تضـيع *** ماتمـاري بهـا مـثل الشـعـاع
ودي أسـلاه والـكـون الفـنيع *** سلوتي ياعـلي مـاتسـتطـاع
دون مـي الظـبي وأم الوضيع *** والثـعــالـب وتـربـيع الـشـراع
وراس ريع دخل في بطن ريع *** مســتـطـيل ووديـان وسـاع
ويعود هذا الشاعر لاسرة اللعبون في حرمة
هو محمد بن حمد بن محمد بن لعبون الوائلي العنزي ولد في بلدة حرمة في عام 1205هـ ثم ارتحل مع ابوه وعمه من بلدة حرمة الى بلدة ثادق احدى بلدات المحمل ونشاء بها الى ان اكمل سبعة عشر عام ثم إرتحل إلى الزبير واستقر بها قرابة اثنين وعشرين عام الى ان نفي منها ثم ذهب الى الكويت وعاش بها قرابة عامين الى ان توفاه الله في الكويت عام 1247هـ بوباء الطاعون الذي اجتاح العراق والكويت في ذلك الوقت رحمه الله وكان ولعه بالشعر والأدب منذ كان صغيراً وقد أبدع في الناحية الغزلية وأصبح زعيم هذا الاتجاه
_____________ من قصائده________________
باتـن حذاي العاذلات الهواهي
فـي سد باب ٍ من بحور الهوى هيّ
ركبن به يشدنّ دود ٍ علـى عود
والنفـس ميـدان الـهوى هـيّ
***
باح الغرام ونشـّف الريـق بالاّه
يا لاهي ٍ يلعب ولا هوب بـالاّه
يا عين باشواقك أساليـك بالله
حيـثي مناجي في هواك الهواهي
***
ذا سيل ديم ٍ أو نواقيـط واكـف
يشق بـجفونك وانا اشل واكف
فان كان ترضين العمى لك وانا كف
والاّ فـدوري من يدور الدواهي
***
ما فاد نوحي بالديـار العوافـي
أدري الجنـا تالـي وصار العوافي
مالي ودوب أهل السبايا العوافـي
من مردف ٍ جيشه نكـيف ٍ وناهي
***
صدّت صدود المستحي من هـواها
واشتـمّ عذريّ الهوى من هواها
لو قالت اطلب قلت انا من هـواها
مقـدار يومين ٍ وارجع إلى هي
***
يا حيف أظعـان الحبايب وحادي
غنـى وراها باول الليل حادي
أرعى الهلال اللي بدا يوم حـادي
ينمي ونقـص البدر عند التناهي
***
إرفق فلي فيهن ريّـا المخلـخل
مبـري سهمها بالضمير المخلخل
لا واعلي يجلي عضاي المخلـخل
دهـر ٍ مرض في غيّها يا سباهي
***
ماريت أنا من صدّة البين باكـره
مـن يوم بكّر ظعن اهل ميّ بكره
لـو ان وعدهم لي على بطن بكره
أو الـذي يسلك طـريق المتاهي
***
راحـوا بـخود ٍ مثل صافي المهاة ِ
والخـد أسيـل ٍ مثل خد المهاة ِ
متلوع جيـد ٍ مثل جيـد المهاة ِ
وخثـرٍ غزال ٍ مكحلاتٍ سواهي
***
هل هم على ذيك الصداقة وهل هم
نـزل ٍ على جّو الأميلح واهلهم
يا ليت اهلنا يا مـحمد واهلهـم
لـو ساعفت يا مي فيكِ المشاهي
***
دون التماني غاشيات الغواشـي
ومعمّلات ٍ بالعيــون الغـواشي
إن كان عازك من عواز الغوى شي
بع بالهوى روحك بسوق الملاهي
***
دار الهوى في جملة الناس طايف
ما احد ٍ بغاه وواقف ٍ مثل طايف
الرابح اللي ما تـمناه طايـف
نسمة هـواه وصـد عنه متلاهي
***
ما هوب طوع ٍ داعي ٍ له صبابة
خليّ هم ٍ والتعب بـه صبابة
لو ناسموها ذاير ٍ لـه صبابـة
ذيك الحباري كان لانا ولا هي
***
قالوا تعال وجيت ابي شوف وايلاه
متـوحّد ٍ يعبـد حسانيه ويِلاه
وابليت عمري فـي مراميه ويـلاه
من ضيّع الدنيا وديـنه سـوى هي
_______________ ياعلي ________________
ياعلي صحت بالصوت الرفيع *** يامــره لاتـذبـيـن الـقـنـاع
ياعلي عندكـم صـفرا صـنيع *** سـنها ياعـلي وقـم الـرباع
نشـتري ياعـلي كـانك تبيـع *** بالعـمـر مـير مـاظـني تبـاع
شـاقني ياعـلي قـمرا وربيع *** يوم أنا آمر وكل أمري مطاع
يوم أهلنا وأهل مـي جـمـيع *** نازلـين عـلى جـال الرفـاع
ضـحـكتي بينهــم وأنا رضـيع *** ماسوت يكيتي يوم الوداع
هـم بروني وأنا عـودي رفـيع *** ياعـلي مـثل مـايبرا الـيراع
طـوعوني وأنا مـاكـنت أطـيع *** وغـلبوني وانا ظفـر شـجـاع
وجد عيني على ظبي تلـيع *** عندكم كن في خده شماع
شـيبتني وانا تــوي رضـيع *** جاهـل تو في سـن الرضـاع
سـايمـين الهـوى يامـن يبيـع *** سايمين الهوى لاهل الرفاع
وأنت يالايمي جـعـلك تضـيع *** ماتمـاري بهـا مـثل الشـعـاع
ودي أسـلاه والـكـون الفـنيع *** سلوتي ياعـلي مـاتسـتطـاع
دون مـي الظـبي وأم الوضيع *** والثـعــالـب وتـربـيع الـشـراع
وراس ريع دخل في بطن ريع *** مســتـطـيل ووديـان وسـاع
